Адам папиллома вирусы (АПВ) — жыныстық жолмен таралатын кең таралған инфекция. АПВ-ның кейбір түрлері, әсіресе 16 және 18 типтері, жатыр мойны обырының және басқа да қатерлі ісіктердің дамуына себепші болады.
Неліктен қыз балаларға екпе жасау маңызды?
Жатыр мойны обырына шалдығу жағдайларының 70%-дан астамы АПВ-ның онкологиялық қауіпті 16 және 18 түрлерімен байланысты.
9–14 жас аралығындағы қыздарға екпе салдыру — вируспен кездеспей тұрып, ағзаны қорғаудың ең тиімді жолы.
🔹 Осы жаста екпе жақсы иммундық жауап береді және болашақта аурудың алдын алуға көмектеседі.
Екпе не береді?
-
АПВ-ның ең қауіпті түрлерінен қорғайды
-
Жатыр мойны обыры мен предрактардың алдын алады
-
10 жылдан астам уақытқа созылатын ұзақмерзімді қорғаныс береді
-
Қыз балалар мен жасөспірімдер үшін қауіпсіз әрі жақсы көтерімді
Ұсыныстар:
-
9–14 жас аралығындағы қыздарға 2 рет екпе салу жеткілікті (аралық – кемінде 6 ай).
-
15 жастан бастап — 3 дозалық схема ұсынылады.
-
Жыныстық өмір басталмаған кезеңде екпе ең тиімді болып саналады.
Маңызды:
-
АПВ екпесі болашақта гинекологиялық тексерулер мен ПАП-тестілерден өтудің қажеттілігін жоймайды.
-
Екпе бұрын жұқтырылған вирусты емдемейді, бірақ жаңа жұқтырудан қорғайды.
Қызыңыздың денсаулығына ерте бастан қамқор болыңыз — АПВ-ға қарсы екпе алуға шешім қабылдаңыз.
Екпе алу мүмкіндігі туралы педиатр немесе гинеколог маманнан кеңес алыңыз.
